Në dy shkolla të mesme në Shkup, nxënësit janë liruar nga mësimi, për të marrë pjesë në një miting në Ohër.

Në njërën shkollë u kanë thënë nxënësve se në Ohër do të këndojë Daniell Kajmakovski, ndërsa në shkollën tjetër nxënësve me sukses më të dobët u kanë premtuar se do t’ua përmirësojnë notat, raporton Portalb.

Në një shkollë të mesme në Shkup, drejtori ka keqpërdorur pozitën e vet, duke bërë thirrje për bojkot të zgjedhjeve presidenciale.

Ai ka organizuar mbledhje për këtë qëllim. Drejtori tha se në rast se votojnë shqiptarët, do ta dobësojnë pozitën e vet në shoqëri.

Një mërgimtar nga SHBA ka lajmëruar ekipin e Portalb se një deputet dhe përfaqësues i lartë i një partie politike, gjatë vizitës së tij në SHBA, u ka bërë thirrje të gjithë mërgimtarëve maqedonas të dalin të votojnë, për të mos fituar një shqiptar në zgjedhjet parlamentare në Njësinë Zgjedhore numër 7.