Britaniku është në pritje të përgjigjes nga Deontay Wilder, por duket se ky i fundit e ka ndarë mendjen për një revansh me Tyson Furyn.

Është thënë më herët se nëse jo Ëilder, atëherë kundërshtari i Joshuas do të ishte fituesi nga dueli Whyte – Chisora.

Pasi Whyte kishte triumfuar, ai e kishte ftuar në ring Joshuan, ku edhe i kishte shpallur luftë, por Joshua nuk  kishte konfirmuar asgjë.

Për këtë gjë, i nervozuar ka mbetur Dillian Whyte, i cili ka thënë se mos vendosja e Joshuas po bëhet irrituese.

“E ftova atë duke menduar se mund të vendosnim një duel dhe isha i zhgënjyer me përgjigjen e tij” ka thënë Whyte për “talkSPORT”, transmeton lajmi.net.

“Isha gati të dëgjoja një “Në rregull le ta bëjmë” ka thënë tutje ai.

“Mendoj se tashmë AJ e ka kthyer këtë punë në biznes, duke u munduar të bëjë duele mediokër dhe të fitojë para” ka thënë ndër të tjerash Whyte.

Më herët gjatë këtyre ditëve kanë qarkulluar zëra se Joshua do të përballet me Jarrell Miller. /Lajmi.net/