Tom Firshing nga Elmonti i Nju Jorkut, dikur hante tri herë në ditë ushqime të shpejta të cilat në shumicën e rasteve i konsumonte në veturë, pasi që karriget e restoranteve i thyente nga mbipesha, transmeton Telegrafi.

Pasi arriti peshën e 202 kilogramëve, 46-vjeçari nuk mund të punonte dhe te ecte lirshëm pas ndihmën e shkopit.

Zakonisht ai konsumonte nga dy hamburgerë gjigant të McDonald’s “Big Mac”, 20 krah pule, dhe dy çokollata. Ndërsa gjatë pasdites hante 6 deri në 8 petulla dhe disa filxhanë me kafe.

Por ai nuk ndalonte me kaq, pasi në orët e vona konsumonte edhe ëmbëlsira dhe ushqime tjera kalorike, ndërsa sa i përket shumës së të hollave që i shpenzonte në ditë për ushqim, Tom pranoi se i nevojiteshin mbi 60 dollarë për ta shtyrë ditën.

Përkeqësimit të gjendjes së tij shëndetësore i ndihmuan edhe numri i madh i cigareve që i pinte gjatë ditës – 60 copë, transmeton Telegrafi.

“Dikur ngasja limuzina dhe tërë ditën e kaloja duke ngrënë dhe duke mos bërë as edhe një lëvizje më të vogël. Dhe ndoshta kjo i kontribuoi mbipeshës. Por nuk duhet harruar hamburgerët, çokollatat, pulat, petullat, ëmbëlsirat, kafenë e shumë sende tjera”, ka deklaruar ai.

Por pasi që këmbët filluan t’i nxihen, nëna e tij e detyroi të shkojë te mjeku i cili i kishte thënë se urgjentisht duhet të humb në peshë, dhe e kishte paralajmëruar se mund të vdes deri në fund të vitit nëse vazhdon me këtë ritëm të jetës.

Në atë moment ai e kuptoi se duhet të ndryshoi gjithçka nëse dëshiron të jetojë, dhe kështu filloi të ushtrojë në palestrën e garuesve të arteve marciale.

Por humbja e peshës nuk ishte edhe aq e lehtë për të, pasi gjatë stërvitjeve kishte pësuar tri herë sulm në zemër por që fatmirësisht nuk e penguan atë të vazhdojë misionin e shenjtë.

Ai sot bën një jetë të shëndetshme dhe ka arritur të formoj linja të përkryera trupore që shumë meshkuj ia kanë lakmi. /Telegrafi/