Diego Simeone ka komentuar skuadrën e Real Madrid para derbit lokal
Real Madrid dhe Atletico Madrid do të takohen nesër ( e shtunë) në kuadër të xhiros së shtatë në La Liga.
Sport
Madrilenët udhëtojnë në këtë takim pas humbjes befasuese 3:0 nga Sevilla.
Trajneri i Atleticos, Diego Simeone, ka thënë se skuadra nuk duhet të mashtrohet nga rezultati i fundit i rivalit.
Sipas tij, rezultati i takimit të fundit nuk tregon asgjë rreth skuadrës.
Gjithashtu trajneri ka thënë se Real Madrid po e përballon mjaft mirë largimin e Ronaldos.
“E shoh Realin përtej rezultatit të fundit. Ata patën një pjesë të parë të dobët ndaj Sevillas, mirëpo kjo mund të ndodhë sepse Sevilla janë skuadër e fortë.
Real Madrid ka lojtarë si Asensio e Bale të cilët janë shumë të rrezikshëm, pastaj Kroos, Ceballos, Isco e Modric” ka thënë Simeone.
Kujtojmë se Atletico Madrid luan pesë derbi në “Santiago Bernabeu” pa pësuar humbje, mirëpo as kjo nuk i ka bërë përshtypje trajnerit, i cili ka thënë se nuk duhet kalkuluar në këso gjërash. /Lajmi.net/