Di Maria “kërcënon” Real Madridin
Angel Di Maria ka paralajmëruar Real Madridin para sfidës së Ligës së Kampionëve, se skuadra e PSG-së është më e mirë sesa vitin e kaluar.
Sport
Më 14 shkurt në garën elitare të Evropës për klube, Real Madrid si kampion në fuqi do t’i mas forcat me njërën nga skuadrat më në formë në Evropë, PSG-në, që këtë vit në skuadër ka edhe Neymarin.
PSG sezonin e kaluar kishte pësuar një humbje befasuese nga Barcelona, ku përkundër rezultatit 4:0 nga ndeshja e parë, u mposhtën 6:1 në ndeshjen e kthimit në ‘Camp Nou’.
“Ne jemi më të fortë sesa ishim vitin e kaluar”, ka deklaruar Di Maria.
“Ne kemi ambicie të mëdha dhe mund t’i realizojmë ato. Por gjithashtu, ne e dimë se për ta fituar Ligën e Kampionëve, kemi nevojë edhe për pak fat”./Lajmi.net/