Dhjetë komunat ku Vetëvendosja humbi numër të madh votash
Lëvizja Vetëvendosje ishte befasia e zgjedhjeve të përgjithshme të 11 qershorit, duke arritur të dalë e para në disa komuna kryesore.
Lajme
Rezultatet në Gjilan, Kaçanik, Fushë Kosovë, Mitrovicë, Pejë, Ferizaj, Viti, Obiliq e komuna tjera ishin shumë të kënaqshme për partinë e Visar Ymerit.
Por situata doli ndryshe në zgjedhjet lokale që u mbajtën dje.
Në shumicën prej këtyre komunave, Lëvizja Vetëvendosje pësoi një humbje të madhe të votave, shkruan lajmi.net
Në qytetin e Gjakovës nga 30.25% sa kishte në zgjedhjet qendrore, VV-ja nuk arriti të fitojë më shumë se 12% në këto zgjedhje ku kandidat e kishin Driton Çaushin.
Në zgjedhjet e 11 qershorit, Vetëvendosja kishte dalur e para në Gjilan me mbi 42% të votave. Por në zgjedhjet lokale, Sami Kurteshi nuk arriti të fitojë më shumë se 27% të votave.
Numër të madh të votave humbi edhe në Pejë. Në zgjedhjet qendrore Vetëvendosje kishte pasur më shumë se 23% të votave, kurse në zgjedhjet lokale ata nuk kanë arritur ta prekin as 7 përqindshin.
As në Mitrovicë, Fehmi Ferati nuk arriti t’i fitojë votat që partia e tij i kishte marrë në zgjedhjet parlamentare. Nga 36% sa kishte pasur VV-ja në vendlindjen e Kadri Veselit, në zgjedhjet e djeshme ata fituan mbi 15% të votave.
Rënie të madhe VV pësoi edhe në Ferizaj, Kaçanik, Fushë Kosovë, Obiliq, Vushtrri dhe Viti.
Lajmi.net ju sjellë përqindjet:
Ferizaj: 35% (zgjedhjet nacionale), 21.90% (zgjedhjet lokale)
Kaçanik: 38% (zgjedhjet nacionale), 20% (zgjedhjet lokale)
Fushë kosovë: 34% (zgjedhjet nacionale), 20% (zgjedhjet lokale)
Obiliq: 27% (zgjedhjet nacionale), 7.87 (zgjedhjet lokale)
Vushtrri: 36% (zgjedhjet nacionale), 25% (zgjedhjet lokale)
Viti: 37% (zgjedhjet nacionale), 22.95% (zgjedhjet lokale). /Lajmi.net/