Policia, e cila erdhi në vendngjarje, konstatoi se kufomës i mungojnë pothuajse të gjitha indet e buta, që i bie se trupi ka qëndruar për një kohë të gjatë në ujë.

Pranë trupit u gjetën një palë çorape të zezza dhe një rrip pantallonash, si të vetmet sende që ka ruajtur deti në strukturën skeletore, e cila gjë çon në dyshim se mbetjet skeletore i përkasin një mashkulli.

Me një autoambulancë, skeleti është dërguar në morgun e spitalit rajonal të Durrësit, për t’iu nënshtruar ekspertizës mjeko-ligjore dhe mundësuar sa më shumë të dhëna, që mund të ndihmojnë në identifikimin e tij apo kohën e qëndrimit në ujë, raporton Top Channel.