Sipas aktgjykimit të shpallur të mërkurën, atij do t’i llogaritet edhe koha e qëndrimit në arrest shtëpiak nga 22 maji 2012 deri më 7 qershor 2012, e që do fillojë ta vuaj pas plotfuqishmërisë së aktgjykimit.

“Gjykata Themelore në Gjilan ka shpallë Aktgjykim dënues ndaj të akuzuarit E. E. në kohëzgjatje prej gjashtë (6) muaj burgim dhe dënim plotësues ndalimi i ushtrimit të profesionit në kohëzgjatje prej një (1) viti, nga dita kur aktgjykimi të marr formën e prerë. I akuzuari E. E., me datë 22.05.2012 në cilësinë e mjekut në Spitalin Regjional në Gjilan ka kërkuar dhe pranuar të holla në shumën prej 30 euro nga e dëmtuara L. H. për lëshimin e tre raporteve specialistike. Me këto veprime i akuzuari E. E. ka kryer veprën penale marrje ryshfeti, neni 343 paragrafi 1 të Kodit Penal të Kosovës (KPK)”, ka bërë të ditur gjykata.