Delawie i dënon kërcënimet kundër pjesëtarëve serbë të FSK-së
Ambsadori amerikan në Kosovë, Greg Delawie ka reaguar pas kërcënimeve kundër disa pjesëtarëve serbë të FSK-së.
Lajme
Ata janë kërcënuar me anë të disa pamfleteve të shpërndara në Zubin Potok.
Përmes një postimi në Twitter, Delawie ka bërë thirrje që të hetohet ky rast.
“Të gjithë qytetarët e Kosovës kanë të drejtë të jenë të sigurt derisa jetojnë jetën e tyre apo shkojnë në punë. Ne i dënojmë kërcënimet kundër pjesëtarëve të Forcës së Sigurisë së Kosovës në Zubin Potok dhe u bëjmë thirrje autoriteteve të hetojnë këtë rast. Ne mbështesim integrimin e serbëve të Kosovës në të gjitha institucionet e Kosovës”, ka deklaruar ambasadori Delawie.