Deklaratat e trajnerëve pas derbit Drita-Gjilani
Drita dhe Gjilani kanë ndarë pikët në ndeshjen e vlefshme për javën e shtatë të Vala Superligës së Kosovës në futboll, pasi kanë barazuar me rezultat 1:1.
Sport
Derbi i madh i Gjilanit ka sjell shumë emocione, koreografi të mëdha në tribuna dhe atmosferë të zjarrtë përgjatë 90 minutave nga ‘Intelektulët’ e Dritës dhe Skifterët e Gjilanit, por jo edhe fitues.
Të dy skuadrat kanë shënuar nga një gol në ndeshjen e tensionuar ku u ndanë shtatë kartonë të verdhë.
Për Gjilanin shënoi Betim Haxhimusa kurse për Dritën Xhevdet Shabani.
Trajneri I Dritës, Milaim Zuzaku e vlerësoi lart këtë ndeshje.
“Pjesa e parë ishte jo e mirë, nuk shpërthyem. Në pjesën e dytë Gjilani na dënoi me një rast, por ne barazuam dhe patën raste me shtyllën e Astit Fazliut dhe rastin e Kastriot Rexhës”.
“Gjilani ishte me fat sot. Kështu e ka futbolli. Ne po e kemi problem derisa po e shënojmë golin e parë pastaj po shpërthejmë”, ka thënë Milaim Zuzaku pas ndeshjes.
Trajneri i Gjilanit, Arbnor Morina vlerëson se skuadra ka mundur të luajë edhe më mirë nëse do ta kishte ekipn e kompletuar.
“Mbi të gjitha të luajmë një derbi pa pesë lojtarë është madhështore. Ka gjëra shumë të mira, mirëpo edhe jo të mira. Loja ishte e mirë, atmosfera e mirë, u shënuan dy gola”.
“Krijuam raste të qind për qinda, e ditëm se çka po dëshirojmë. Rezultati 1:1 është i pranueshëm në derbi”.
“Nëse do të ishin edhe lojtarët që munguan, do ta konceptonim lojën ndryshe”, ka thënë Arbnor Morina.