Shqipëria e ka shumë të vështirë kualifikimin për në Euro 2016, gjithnjë sipas trajnerit të Kombëtares sonë, Gianni De Biasit.

“Kualifikimi është një gjë e vështirë. E filluam mirë këtë garë, mirëpo në takimin me Serbinë jemi të zhgënjyer, pasi nuk kemi marrë atë që kemi merituar”.

“Sidoqoftë, duhet të shikojmë për ndeshjen e ardhshme e cila është me Armeninë. Kjo përballje nuk do të jetë fare e lehtë për ne, pasi Armenia është skuadër e rrezikshme”, tha trajneri italian për Top Channel.