De Biasi: Mavraj mund të luajë
Trajneri i Shqipërisë, Gianni de Biasi ka dhënë një lajm mjaft të madh për të gjithë tifozët e Kombëtares, duke thënë se mbrojtësi Mërgim Mavraj mund të luajë në takimin e nesërm kundër Armenisë.
Sport
Mërgim Mavraj ka pësuar një lëndim dhe është në dyshim për ndeshjen e madhe kundër Armenisë.
Sidoqoftë, trajneri De Biasi, ka thënë se lojtari mund të rikuperohet me kohë dhe të jetë i gatshëm për përballjen e nesërme.
“Mavraj është në dyshim, mirëpo përgjigjen përfundimtare nëse ai do të luajë apo jo, do ta marrim nesër”, tha De Biasi në konferencë për shtyp.
“Curri është rikuperuar dhe është i gatshëm për lojë. Më vjen keq të Ajeti dhe Aliji nuk do të jenë pjesë e skuadrës për arsye burokratike”, përfundoi trajneri italian i cili ka marrë nënshtetësi shqiptare.