Luiz, që për të është titulli i parë në Ligën Premier, i ka ndarë 30 varëse dore për bashkëlojtarët në qendrën stërvitore.

Kompania Senturion, i ka prodhuar këto varëse duarsh për nder të kampionëve, pasi nuk merret me këtë punë.

Sa i përket dhuratës për Abramovich, lojtari i ka dhuruar një gurë meteori të  vjetër 4.9 miliardë vjet të vjetër, më i vjetër se toka.

Senturion, prodhojnë koleksione unike dhe çdo seri e tyre është e limituar.

Luiz që luajti këtë vit me sistemin me tre mbrojtës, varëset i ka bërë me ari 18 karat dhe diamant të zi 198.

Në çdo varëse e ka shkruar “Zoti është i madh. DL”.

Çdo varëse që e prodhon Senturion kushton nga  38 mijë funte e lartë, ndërsa dhurata për Abramovich, ka kushtuar gjashtë herë më shumë.

Për këtë ka folur drejtori i komunikimit të kompanisë Senturion.

“Është një gjest shumë bujar nga David për shokët e skuadrës. Ai i ka bërë 30 copa të tilla”.

Edhe Drogba kishte dhuruar unaza në vlerë 800 mijë funte për bashkëlojtarët kur e fituan Ligën e Kampionëve. /Telegrafi/

Parashikoni ndeshje të futbollit dhe fitoni dhjetëra shpërblime, duke përfshirë një iPhone 7 dhe Samsung Galaxy S6