Danimarka mbështet dialogun Kosovë-Serbi, pret marrëveshje përfundimtare
Danimarka mbështet dialogun në mes të Kosovës dhe Serbisë, por pret zbatimin e marrëveshjeve të arritura deri më tani.
Lajme
Ministri i Punëve të Jashtme të Danimarkës, Anders Samuelsen, po qëndron në një vizitë zyrtare në Serbi.
Në një konferencë të përbashkët me ministrin e Jashtëm serb, Ivica Daçiq, Anders Samuelsen, ka thënë se pavarësisht që kanë dallime për çështjen e Kosovës, Danimarka mbështet dialogun në mes të Serbisë dhe Kosovës, transmeton lajmi.net.
Siç shkruajnë mediat serbe, në këtë konferencë kreu i diplomacisë daneze, Samuelsen, ka kërkuar që të zbatohen të gjitha marrëveshjet që janë arritur në dialogun në mes të Kosovës dhe Serbisë.
Lexo edhe:
Insiston Serbia: S’ka vazhdim të dialogut pa heqjen e taksës
Samuelsen gjithashtu inkurajoi vazhdimin e dialogut midis Beogradit dhe Prishtinës, duke theksuar se dialogu duhet të jetë konstruktiv dhe duhet të arrihet marrëveshja ligjërisht e obligueshme në mes të dy shteteve.
Në këtë konferencë, Samuelsen ka theksuar se Danimarka pret që Kosova dhe Serbia të zbatojnë të gjitha marrëveshjet e arritura në Bruksel midis dy vendeve. /Lajmi.net/