Daft Punk triumfon në ‘Grammy 2014’

Ajo ishte bërë hit në mbarë botën dhe s’mund të shkonte ndryshe. Projekti i Daft Punk, në bashkëpunim me Pharrell Williams, i quajtur ‘Get Lucky’, është zgjedhur kënga më e mirë e vitit, në edicionin e 56’të të ‘Grammy Awards 2014’, të mbajtur mbrëmë në palestrën ‘Staples Center’ të Los Angelesit. Duo franceze, ‘padron’ i…

ShowBiz

27/01/2014 08:53

Ajo ishte bërë hit në mbarë botën dhe s’mund të shkonte ndryshe. Projekti i Daft Punk, në bashkëpunim me Pharrell Williams, i quajtur ‘Get Lucky’, është zgjedhur kënga më e mirë e vitit, në edicionin e 56’të të ‘Grammy Awards 2014’, të mbajtur mbrëmë në palestrën ‘Staples Center’ të Los Angelesit.

Duo franceze, ‘padron’ i padiskutueshëm i muzikës elektronike, në fakt dominoi në pesë kategori, përfshirë këtu albumin dhe projektin e vitit.

Dyshja e hip-hop, Macklemore dhe Ryan Lewis i rrëmbyen katër trofe, artisti më i mirë i ri, albumi më i mirë rep, kënga dhe performanca më e mirë në këtë kategori.

Justin Timberlake i fitoi tre, kurse adoleshentja nga Zelanda e Re, Lorde, u shpërblye me dy çmime, përfshirë këtu edhe atë të të këngës më të mirë.

Kjo mbrëmje është hapur nga Jay-Z dhe bashkëshortja e tij, Beyonce, ndërsa në skenë u realizuan edhe 33 martesa heteroseksuale.

Sir Paul McCartney e Ringo Starr, dy anëtarët e grupit legjendar ‘Beatles’ që janë ende gjallë, performuan së bashku në këtë natë gala, duke ia sjell publikut këngën ‘Queenie Eye’.

Starr gjithashtu performoi i vetëm, duke e kënduar ‘Photograph’. Në këtë mbrëmje madhështore performuan yje të shumta të muzikës dhe pa kurrfarë dyshimi, kjo konsiderohet nata më e rëndësishme në botën e muzikës.