Ndërsa i pyetur në lidhje me Forcat e Armatosura të Kosovës, Daçiq ka thënë se \”ato janë kundër të gjitha vendimeve të OKB-së, sipas të cilave, në territorin e Kosovës mund të ketë vetëm forca ndërkombëtare\”.

Kryeministri serb ka thënë po ashtu se Serbia nuk mund t’i vërë sanksione Rusisë, sepse Moska siç ka thënë ai, nuk ka ndërmarrë kurrë masa të tilla ndaj Beogradit.

“Ne përpiqemi të kemi një qëndrim të balancuar. Kryeministri Aleksandar Vuçiq dhe unë ia kemi shpjeguar këtë Catherine Ashtonit (shefes së politikës së jashtme të Bashkimit Evropian). Qëndrimi ynë mbështetet në dy parime”, ka thënë Daçiq, për gazetën vjeneze “Prese”, raporton REL.

“I pari është se Serbia respekton integritetin territorial të secilit shtet anëtar të Kombeve të Bashkuara, ashtu edhe të Ukrainës. I dyti është se Serbia nuk mund t’i vërë sanksione Rusisë, sepse Rusia nuk i ka vënë kurrë sanksione Serbisë. Një balancë e tillë është në interesin tonë kombëtar”.