Kryeministri në ikje i Serbisë, Ivica Dacic, ka thënë sot se interesat shtetëror dhe prioritetet e shtetit serb janë rruga drejtë BE’së, por në të njëjtën kohë, ruajtja e marrëdhënieve të mira me miqtë tradicional.

Është hera e dytë që, Kryeministri në ikje i Serbisë, deklaron qëndrimin e këtij shteti në raport me krizën në Ukrainë, në kohën kur shtetet e perëndimit i kanë vënë sanksione Rusisë për ndërhyrjen ushtarake në Gadishullin e Krimesë.

Dacic thotë se Serbia nuk mund t’ia kthejë shpinën Rusisë, pasi që sipas tij, është i vetmi shtet i cili e mbron Serbinë në Këshillin e Sigurimit të OKB-së për çështjen e Kosovës, transmetojnë mediat serbe.

“Ne dëshirojmë të vazhdojmë rrugën tonë drejtë BE-së, kjo do të thotë se ekzistojnë në sërë çështjesh që Serbia duhet t’i përafrojë me ato të BE-së kur është fjala për politikën e jashtme. Mirëpo, në anën tjetër kjo nuk do të thotë se Serbi duhet me çdo kusht t’i dëmtojë interesat shtetëror të saj”.

“Ne duhet të vazhdojmë të kemi marrëdhënie miqësore me Rusinë e cila mbështetë Serbinë në OKB kur është fjala për Kosovën”.