Barcelona, Roma ose Fiorentina. E ardhmja e Juan Cuadrados është ende për t’u shkruar.

Alessandro Lucci, menaxher i futbollistit kolumbian, i ka takuar drejtuesit e klubit Blaugrana për të biseduar për klientin e tij, njofton Sky.

Klubi katalunas e ka konfirmuar interesimin e tij për përfaqësuesin kolumbian, edhe pse nuk ia kanë prezantuar ende klubit italian një ofertë zyrtare për lojtarin.

Katalunasit e kanë ndërmend të presin dhe të kuptojnë se çka e kanë ndërmend të bëjnë Viola, ndërsa risitë pritet të arrijnë në javët e ardhshme.

Përpos Barcelonës, interesim për Cuadradon ka shprehur edhe Roma, por së fundmi flitet se në garë është futur edhe Juventusi.