‘Ciao’ Genoa, Perin te rivali nga Serie A
Portieri i Genoas, Mattia Perin ka oferta nga disa klube rivale nga Serie A.
Sport
Mattia Perin luan prej disa sezonesh te Genoa, ku ka treguar një nivel mjaft të lartë dhe konstant në fushën e lojës, duke merituar edhe shiritin e kapitenit.
Gjithsesi portieri i Kombëtares italiane duket se po luan ndeshjet e fundit me kuqeblutë, pasi në garë për shërbimet e tij janë vënë disa klube të Serisë A.
Napoli kryeson këtë listë, pasi po kërkon një zëvendësues për Pepe Reinën dhe shikon te Perin njeriun e duhur për t’i besuar katërkëndëshin e portës. Gjithashtu edhe Interi është vënë në lëvizje për kapitenin e Genoas, pasi me Handanoviç që po kalon vitet e fundit të karrierës, kërkon një profil ideal për t’i besuar portën në vitet e ardhshme dhe Perin është i duhuri si për moshën, ashtu edhe për eksperiencën që disponon.
Së fundi presidenti i Genoas, Enrico Preziossi zbuloi se edhe Juventusi ka kërkuar informacione për portierin kuqeblu, ndërsa tha se këto ditë do të ulet në bisedime me përfaqësues të 3 skuadrave të mëdha italiane, për të dëgjuar ofertat e tyre, përcjell” SuperSport”.
Genoa do të ishte e kënaqur po të arkëtonte një shumë prej 20-25 milionë eurosh për Perin, ndërsa deri tani ofertën më të lartë e ka bërë Napoli, me 17 milionë euro.