‘Blutë’ e Londrës janë kthyer për të fituar në kuadër të Ligës së Evropës, duke triumfuar ndaj Malmos.

Chelsea fitoi në udhëtim me rezultatin 1:2, duke i lehtësuar vetës gjërat për këtë fazë të garave, shkruan lajmi.net.

Golin e parë në këtë takim e realizoi mesfushori Ross Barkley, kur po luhej minuta e 30’ e takimit.

Sulmuesi francez, Olivier Giroud u përkujdes që të dyfishonte epërsinë e anglezëve, duke shënuar në minutën e 58’.

10 minuta para fundit, vendasit arritën që të ngushtojnë epërsinë me anë të Anders Christiansen.

Kjo fitore do të kthejë motivin tek kampi i Chelsea, të cilët nuk është se kanë kaluar në formë aq të mirë javëve të fundit. /Lajmi.net/