Tsipras tha se do të pranojë reformat për tatimin e vlerës së shtuar në vend por me një ndryshim për ishujt grekë, për të cilët TVSH duhet të jetë 30 % më pak se për pjesën tjetër të vendit. Për çështjen e pensioneve, Tsipras deklaroi se masat për kërkesën për ta ngritur moshën e daljes në pension në 67 vjeç nga viti 2022, të fillojnë në tetor të këtij viti dhe jo menjëherë. Kërkesat e kryeminstrit grek pritet të diskutohen sot rreth orës 15:30 në mbledhjen e krerëve të eurozonës.

Deklaratat e Tsipras ndikuan menjëherë në bursa të cilat patën rritje, ku më e madhja ishte në bursën e milanos me 2.2%.

Vëmendja e Greqisë është kthyer tek Banka Qëndrore Europiane prej së cilës pret një ndihmë emergjente ndërkohë që është në vështirësi për të paguar pagat dhe pensionet. BQE ka dërguar rreth 89 miliardë euro për bankat greke në muajt e fundit, por refuzoi një kërkesë të qeverisë greke në fundjavë për një ndihmë prej 6 miliardë eurosh. Rreth 1 mijë banka në të gjitha vendin do të jenë të hapura sot vetëm për pensionistët të cilët mund të tërheqin deri në 120 euro, por do të jenë të mbyllura deri të hënën për këdo tjetër.

Ministri Italian i financave, Pier Karlo Padoan deklaroi se profili i borxhit grek është më pak shqetësues se sa zakonisht përshkruhet dhe ajo çka i duhet Greqisë është të rikthehet tek rritja ekonomike. Padoan tha se mundësitë për një marrëveshje janë ende të hapura. Çështja e Greqisë pritet të diskutohet edhe në parlamentin gjerman. Ndërkohë që aktiviteti i manifakturave greke ka pësuar rënie për të dhjetin muaj me rradhë, për shkak të një rënieje të fortë në kërkesat për eksport. Në sondazhet e fundit për votën e referendumit, një vote kundër paketës së kreditorëve paraqitet në 54 përqind ndërkohë që vota pro është 33 përqind dhe të tjerët të pavendosur