Në stadiumin ‘San Paolo’ në kuadër të xhiros së 31-të të Serie A, Napoli ka arritur të përmbysë rezultatin nga 0-1 në 2:1 për të mposhtur Chievon.

Pjesa e parë nuk solli asnjë gol, ndërsa me të filluar e dytë, Napoli dështoi të shënonte nga penalltia, kur Mertnes nuk arriti të mposht Sorrentinon.

Derisa Napoli po vazhdonte të sulmonte, ishte Stepinski që në minutën e 73’ befasoi të gjithë duke kaluar në epërsi Chievon.

Napoli nuk u dorëzua deri në fund, duke arritur të barazonte në 1:1 me Milik, ndërsa në minutën e 93’, shënoi golin e fitores me anë të Diawara.

Pas kësaj fitore, Napoli mbetet në vendin e dytë me katër pikë larg Juventusit./Lajmi.net/