Çerdhja “Yllka” paraqet rrezik, Komuna e Prishtinës i transferon fëmijët në tjera për disa muaj – Lajmi.net
Çerdhja “Yllka” paraqet rrezik, Komuna e Prishtinës i transferon fëmijët në tjera për disa muaj
Autori: Lajmi.net LajmeNacionale 15:27, 14 February 2018
Për disa muaj çerdhet publike në Prishtinë do të jenë edhe më të ngarkuara. Kjo ngase në çerdhen “Yllkat” janë vërejtur plasaritje.

Komuna e Prishtinës ka njoftuar se, me kërkesë të Drejtorisë Komunale të Arsimit, Drejtoria për Investime Kapitale dhe Menaxhim të Kontratave ka caktuar një komision të përbërë nga 3 inxhinierë të ndërtimtarisë, për ta vizituar çerdhen “Yllkat” në lagjen Vellusha, për shkak sa janë vërejtur disa plasaritje në objekt.

Objekti i kësaj çerdheje është ndërtuar në vitin 1984, dhe ka kapacitet për 220 fëmijë.

“Gjatë kontrollimit, inxhinierët kanë vërejtur se ky objekt tashmë është shumë i dëmtuar, dhe se paraqet rrezik për fëmijët dhe stafin e çerdhes. Në disa pjesë të themeleve, janë vërejtur plasaritje të theksuara, kurse brenda objektit plasaritjet janë edhe më të thella dhe janë horizontale, gjë që dëshmon se themelet e objektit “”kanë fjetur””, ka bërë të ditur Komuna.

Po ashtu, në njërën prej dhomave të fëmijëve ka lëvizur pllaka e dyshemesë. Kësisoj, komisioni i përbërë nga 3 inxhinierë të ndërtimtarisë, ka vlerësuar se: “Dëmtimet në këtë objekt janë jashtëzakonisht të mëdha, andaj propozojmë që urgjentisht të merren masat si preventivë – largimi i fëmijëve dhe personelit me qëllim të evitimit të pasojave eventuale”.

Bazuar në këtë vlerësim të komisionit, Komuna e Prishtinës ka vendosur që t’i largojë fëmijët dhe stafin nga ajo çerdhe, dhe t’i zhvendosë përkohësisht në çerdhe të tjera, në konsultim edhe me prindërit dhe grupet e interesit.

Komuna njofton se, objekti çerdhes “Yllkat” do të rrënohet, dhe do të ndërtohet një çerdhe e re në këtë lagje. /Lajmi.net/

27752213_1805455246166357_1679011798290803381_n 27752535_1805455229499692_8206029371750167339_n 27857866_1805455232833025_3880491312085175383_n 27858494_1805455299499685_2664713173209044546_n 27867512_1805455302833018_8681764964835198391_n 27972448_1805455306166351_7540237093806036794_n

 

Fjalët kyçe: cerdhja Yllka, Plasaritje

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play iStunt 2
  • Play World Soccer Champion
  • Play Bike Rivals
  • Play Supercar Showdown