Accrington Stanley ka bërë të ditur se nuk do të sjellë përforcime në orët e fundit të afatit kalimtar të janarit duke publikuar buxhetin e blerjeve.

Skuadra nga League Two, që udhëhiqet nga ish sulmuesi i Southamptonit dhe Anglisë, James Beattie ka hasur në telashe financiare së fundmi dhe ish ylli është dashur të paguajë borxhin e tatimit në mënyrë që të marrin pjesë në gara këtë edicion.

Por, duket se Beattie duhet të hap sërish kuletën e tij personale nëse dëshiron të sjell përforcime para mbylljes së afatit kalimtar të janarit në ora 23:00.

Nëpërmjet një fotografie të publikuar në profilin zyrtar në rrjetin social Twitter, Accrington Stanley ka treguar se klubi ka vetëm disa metalikë për të shpenzuar në përforcime.

Koha e mbetur në dispozicion mund të jetë e mjaftueshme për të bindur Arsenalin t’ua dërgoj Nicklas Bendtnerin. Ndoshta.