Burri në meso-moshë martohet me vajzën 12- vjeçare (VIDEO)
Një video shokuese e një fëmije që si duket u martua me një burrë i cili mund të ishte gjyshi i saj, ka tronditur shikuesit në internet të cilët thonë se martesat e mitura duhet të dënohen globalisht.
Fun
Vajza 12-vjeçare shihet në video me një fustan të vogël të bardhë dhe me fytyrë të lyer me makiazh, duke pozuar për foto me burrin- i cili është të paktën 4 dekada më i madh se ajo, buzë ujit në Beirut, Lebanon.
Mund të dëgjohen njerëzit që kalojnë rrugës duke e e pyetur se kush është fëmija dhe ai ballëlartë njofton se është nusja e tij dhe se prindërit e saj i dhanë miratimin.
Disa reagojnë me zemërim dhe disa të tjerë e urojnë në këtë video e cila u pa afërsisht 2 milionë herë në YouTube.
Një grua, e cila tregon se ka një vajzë të së njejtës moshë, thotë: “Isha duke vrapuar por këmbët e mia ngrinë kur e pashe.”
Dhe kur një turmë njerëzish mblidhet rreth çiftit, një tjetër bërtet: “Prindërit e saj janë kriminelë.”
Fatmirësisht për vajzën, skena nuk është reale dhe është rregulluar nga një bamirësi kundër dhunës së bazuar në gjini që quhet KAFA, Lebanon, si pjesë e një kampanje për të ndalur martesat e mitura në vend, të përkrahur nga Kombet e Bashkuara.
Kampanja, që nisi në fundjavën e Shën Valentinit, ka për qëllim të vë në dritë se si, edhe pse këta të dy ishin vetëm aktorë, kjo skenë është realitet për shumë njerëz.
Një në tre vajza të cilat jetojnë në shtete me të ardhura të ulëta ose të mesme martohen para moshës 18- vjeçare, edhe gati një e treta para moshës 15 vjeçare, tregon UNEPA, transmeton lajmi.net.
KAFA, që do të thotë “mjaft” në arabishte- ka filluar hashtag-un #IDONT, në një përpjekje për të ngritur vëmendje në praktikën e llahtarshme.
Çdo vit, afërsisht 15 milionë vajza, disa 8-vjeçare apo 9, detyrohen të martohen nëpër të gjithë botën, shumica për burra të cilën janë disa dekada më të mëdhenj – si burri në video.
Vajzat që martohen para moshës 18- vjeçare statistikisht janë më të rrezikuara të jenë viktimë e dhunës shtëpiake se sa ata që martohen si të rritura, dhe gjithashtu ka mundësi që mos ta ndjekin shkollën.
Organizata e Shëndetit të Botës (WHO) zbuloi se shtatzënia është shkaku i dytë i vdekjes mes vajzave adoleshente mes moshës 15 dhe 19 vjeçare nëpër botë, me nëntë nga dhjetë prej këtyre vdekjeve që ndodhin brenda martesës./lajmi.net