Bunjaku flet për të gjitha, edhe për largimin nga Kosova – Lajmi.net
Bunjaku flet për të gjitha, edhe për largimin nga Kosova
Autori: Lajmi.net Botërori FIFA 2018Lajme futbolliSport 22:07, 27 March 2017
Menaxheri i përfaqësueses së Kosovës, Albert Bunjaki beson fuqishëm se ekipi është në rritje e sipër.

Në një intervistë për “IndeksOnline”, Bunjaki thotë se profesioni që ai ka është e kuptueshme të kritikohesh por edhe të lavdërohesh.

“Profesioni që unë e kam, ka kritika ka lëvdata. Kritikohesh nga trajner por edhe lavdërohesh. Është normale sepse jemi në atë fazën e parë që ne kemi filluar me kriju lojë dhe identitet të lojës. Kemi punuar shtatë-tetë vjet për me i pru këta lojtarë. Kemi marr talent të mëdhenj. Së fundi që është Donis Avdijaj i cili refuzoi Gjermaninë U21 vetëm që me ardhur me neve. Kemi luajtur kundër kundërshtarëve që kanë qenë në kampionatin Evropian, madje edhe çerek finalist të evropianit. Përkundër faktit se kemi kundërshtar superior kemi tregu se Kosova është arrë e fortë, kjo tregon që jemi në ngritje përkundër faktit se jemi ekipi më i ri në botë”, ka thënë Bunjaki për IndeksOnline.

Së fundi qarkulluan disa zëra se Ardian Kozniku mund të jetë zëvendësuesi i Albert Bunjakit, ky i fundit nëse largohet nga përfaqësuesja. Por, një gjë e tillë nuk pritet të ndodh.

“Mua më vjen shumë keq, po Kosova ka arrit me kriju një identitet. Ka arrit me i pru talentet më të mirë që ekzistojnë. Edhe trajneri i Islandës e lëvdon lojën e Kosovës, thotë që kemi pasur fat që fituam kundër Kosovës. Kosova ka një grup mjaftë interesant”, ka shtuar trajneri kosovar.

Kosova nuk po zhvillon lojë miqësore, gjë e cila mund të jetë një nga shkaqet kryesore për humbjet e fundit në kualifikimet e botërorit “Rusia 2018”.

“Nuk dua ta kërkoj fajin. Ne duam t’i shkojmë proceset pozitive. Për gjashtë muaj, kemi arrit me kriju një kombëtare që është mjaftë një arrë e fortë edhe për kombëtaret që kanë qenë në kampionatin evropian. Qëllimi ynë, për kampionatin botëror është vetëm për krijim të ekipit. Por kemi pasur edhe ngritje në ranglistën e FIFA-s”.

Pas ndeshjes kundër Islandës, ka pasur shumë përçarje nga tifo grupi “Dardanët”, por Bunjaku edhe pse nuk i takon të flas për këtë gjë, ai mendon se tifozët kosovarë janë më të mirët në botë.

“Unë mundem me tu përgjigj për çështje sportive, por edhe mundem me thënë se Kosova ka tifozët më të mirë në botë, ata janë një familje kanë ardhur kudo që kemi luajtur”, ka përfunduar Bunjaki.

Kosova ndeshjen e radhës do ta luaj sërish në “Loro Boriqi” të Shkodrës. Kundërshtari i radhës do të jetë kombëtarja e Turqisë.

Parashikoni ndeshje të futbollit dhe fitoni dhjetëra shpërblime, duke përfshirë një iPhone 7 dhe Samsung Galaxy S6 

Fjalët kyçe: Albert Bunjaki

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Stealth Sniper
  • Play Urban Basketball
  • Play Supercar Showdown
  • Play Pro Kicker Frenzy