Bundesliga nuk heq VAR-IN, por përgjegjësin e saj – Lajmi.net
Bundesliga nuk heq VAR-IN, por përgjegjësin e saj
Autori: Lajmi.net BundesligaSport 13:17, 7 November 2017
Federata Gjermane e Futbollit vendosi të shkarkojë nga detyra Hellmut Krug, supervizorin e sistemit VAR.

Ky i fundit akuzohet se ka favorizuar Schalken, pasi ka qenë i pranishëm në Gelsenkirchen, në ndeshjen kundër Wolfsburgut.

Edhe pse Video Assistant Referee vlerësohej si sistemi që do të kufizonte gabimet e arbitrave dhe do ti ndihmonte që në raste të dyshimta të marrin vendimin më të drejtë, pa ndikuar në rezultatin e ndeshjes, në Bundesligë shpërthyen polemikat.

Akuzat rreth Hellmut Krug shpërthyen gjatë javëve të kaluara, për shkak të disa episodeve në të cilat përgjegjësi i sistemit VAR ndikoi në vendimet e asistentëve video të pranishëm në ndeshje.

Problematikat më të mëdha ishin ato në ndeshjen e Schalkes dhe Wolfsburg, gjatë së cilës u morrën dy vendime që favorizuan vendasit. Krug ndikoi në vendimin e asistentit video Marco Fritz për të akorduar 11-metërsh në favor të ekipit nga Gelsenkirchen, qytet ku për më tepër Krug ka lindur.

Ish-supervizori tashmë nuk do të ketë asnjë përgjegjësi në sistemin VAR, por do të qëndrojë në detyrë në Federatën Gjermane, ku do të kujdeset për analizat e dokumentacionit teknik.

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Stealth Sniper
  • Play Bow Master
  • Play Berry Rush
  • Play Rock Wheels