Në një intervistë për televizionin publik Nishani thotë se pas përfundimit të mandatit si President do t’i kthehet jetës politike në radhët e demokratëve.

Nishani thotë se ringritja e Partisë Demokratike duhet të vijë përmes bashkimit të saj.

Kreu i Shtetit nuk e fsheh shqetësimin për fenomenin e shitblerjes se votës. Megjithatë problemi me i madh i këtyre zgjedhjeve sipas tij është pjesëmarrja e ulët në votime.

Sipas Presidentit Nishani edhe Bashkimi Europian ka qenë i shqetësuar për zgjedhjet në Shqipëri.