Buffon: E turpshme çfarë ka bërë Interi

Portieri i PSG-së, Gianluigi Buffon, e ka cilësuar turp eliminimin e Interit dhe Napolit nga Liga e Kampionëve.

Sport

12/12/2018 10:45

Dy skuadrat italiane, nuk kanë arritur më shumë se vendin e tretë në fazën e grupeve, për t’u eliminuar nga Liga e Kampionëve, për të vazhduar garën në Ligën e Evropës.

Buffon që me PSG-në kanë kaluar nga vendi i parë në 1/8 e finales, ka shprehur keqardhje për eliminimin e Interit dhe Napolit.

“Është turp për eliminimin e Napolit dhe të Interit. Kjo është çështje krenarie”, ka deklaruar Buffon, përcjell ‘lajmi.net’.

“Napoli ka pasur fazë të mrekullueshme në grupe, ndërsa për Interin është një turp sepse ju ka mjaftuar vetëm fitorja, dhe unë do të kisha më shumë mundësi për t’u rikthyer në Itali si një kundërshtar”./Lajmi.net/