BQE zvogëlon normën e interesit
Banka Qendrore Evropiane ka ulur normën bazë të interesit në përpjekje për të stimuluar rritjen ekonomike dhe për të evituar deflacionin në eurozonë.
Lajme
Autoriteti monetar për 18 vende që e përdorin euron ka zvogëluar nivelin e normën e depozitës për herë të parë më 5 qershor, me shpresën se do t’i nxisë bankat që të japin para hua në vend që të grumbullojnë.
BQE ka ulur kufirin e interesit prej 0.25 në 0.15 për qind.
Banka me bazë në Frankfurt është e shqetësuar se rritja dhe dhënia hua e parave prej bankave është e dobët, dhe potencialisht mund ta rrezikojë përmirësimin në eurozonën e brishtë.
Ekonomia në eurozonë është duke u rritur ngadalë, inflacioni ka rënë për 0.5 për qind muajin e kaluar, ndërsa papunësia ka arritur në 12 për qind.
Euro ka rënë në nivelin më të vogël prej katër muajsh, ndërsa bursa evropiane është rritur pas njoftimit për uljen e normës së interesit nga ana e BQE-së.