Bora mbërrin në Kosovë, informohu rreth temperaturave
Vendi ynë do të vazhdoj të mbetet nën ndikimin e masave të ajrit me origjinë nga verilindja.
Lajme
Këto masa, sipas Institutit Hidrometeorologjik të Kosovës, do të krijojnë kushte për mot të vranët dhe me intervale me diell. Vranësirat gjatë orëve të pasdites vende-vende do të shoqërohen me riga shiu , derisa në visat malore priten edhe fjolla të dobëta bore, transmeton lajmi.net.
“Nesër edhe në fushat barike do të ketë luhatje, duke bërë që masat e ajrit të jenë më shum aktive. Temperaturat minimale parashihen të lëvizin ndërmjet 1-3 gradë Celsius, ndërsa maksimalet e ditës parashihen të lëvizin ndërmjet 13-17 gradë Celsius. Do të fryjë erë herë-herë me vrull nga drejtimi i verilindjes me shpejtësi deri 9m/s”, thuhet në njoftim.
Ndërsa, nga dita e premte, e tutje, sërish merkuri në termometër do ti regjistroj vlerat mbi 20 gradë Celsius. Kurse masat e ajrit do ta ndyshojnë kahun e lëvizjes, duke vazhduar në drejtim të jugperendimit, ku shpejtësia e tyre do të ndryshoj në orët e pasditës.