Boateng nuk shkon në Barcelonë
Trajneri i Bayern Munichut, Pep Guardiola ka dhënë një lajm të keq për Barcelonën. Ai ka insistuar se qendërmbrojtësi Jerome Boateng do të mbetet në Allianz Arena.
Sport
Trajneri i Bayern Munichut, Pep Guardiola ka mohuar spekulimet se Jerome Boateng mund të transferohet në Barcelonë.
Sipas njoftimeve të hënën, Boateng përmendej si objektiv i gjigantit katalan që synon të përforcojë mbrojtjen pas pensionimit të kapitenit Carles Puyol.
Mirëpo, Guardiola nuk ka ndërmend të lejojë 25-vjeçarin të largohet nga Allianz Arena.
“Nuk e di se qka thonë mediat”, deklaroi Guardiola gjatë një konference për shtyp para duelit mes Bayernit dhe yjeve të MLS All-Star në Portland.
“E di vetëm se Jerome Boateng do të jetë futbollist i Bayernit në sezonin e ardhshëm 100 për qind”, u shpreh ai.
Boateng iu bashkua Bayernit nga Manchester City më 2011 dhe deri më tani ka fituar tetë tituj me gjigantin nga Allianz Arena.