Gjenerata e dytë e serisë 1 BMW ka pasur premierën më 2011 dhe ky model ka pësuar një ri-dizajn të përgjithshëm në vitin 2015.

Edhe pse nuk ishte pritur që prodhuesi gjerman të bëjë ndryshime në versionin ekzistues para lansimit të gjeneratës së ardhshme, e planifikuar për vitin e ardhshëm, në BMW kanë vendosur të bëjnë edhe një freskim të serisë aktuale 1.

Kësaj radhe, pamja e jashtme e automobilit ka mbetur praktikisht e njëjtë, por blerësve iu është ofruar dizajni i ri, si dhe dy nuanca të kaltra dhe ngjyrë portokalli – Seaside Blue i Sunset Orange.

Përveç kësaj, në dispozicion janë edhe tri pako speciale të pajisjes – Edition Sport Line Shadow, Edition M Sport Shadow dhe versioni BMW M140i Edition Shadow,  me detaje të zeza në eksterier: rreth makës së ftohësit, rreth dritave dhe gripit të pasmë ndriçues.

Më së shumti ndryshime kanë ndodhur në brendi të kabinës, ku është ri-dizajnuar tabela e instrumenteve.

Në BMW- thonë se kanë avancuar sistemin iDrive dhe risi është edhe interfejsi i përdorimit me ekran 8,8 inç i pajisjes multimediale dhe navigacionit.

Blerësve iu ofrohet edhe opsioni WiFi hotspot, i cili mundëson që gjatë vozitjes në internet të kyçen deri 10 pajisje mobile./TetovaSot/