Zyrtarët e Kuvendit nuk kanë qenë në gjendje të tregojnë nëse grupet parlamentare krijohen para zgjedhjes së kryetarit të Kuvendit apo pas zgjedhjes së tij.

Por, sipas rregullores, grupi më i madh parlamentar propozon kandidatin për kryetar të Kuvendit , shkruan sot “Koha Ditore”.

As përfaqësuesit e subjekteve politike, as zyrtarët e Kuvendit nuk kanë qenë në gjendje të tregojnë nëse grupet parlamentare krijohen para zgjedhjes së kryetarit të Kuvendit apo pas zgjedhjes së tij.

Sipas njërit nga kontribuuesit e hartimit të Kushtetutës, Alexander Borg Oliver presidentja duhet të kërkojë vetëm shumicën e nevojshme në Kuvend.

“Askund në Kushtetutë nuk thuhet se presidentja duhet ta thërrasë partinë ose koalicionin që ka fituar zgjedhjet për ta bërë Qeverinë. Ajo duhet ta kërkojë vetëm shumicën e nevojshme në Kuvend, e cila garanton se shteti mund të bëhet me Qeveri”, ka thënë ai për “KD”.