Biznesmen nga Turqia të interesuar për të investuar në Kosovë
Ministrja e Tregtisë dhe Industrisë, Hykmete Bajrami, takoi të premten një grup biznesmenësh nga Turqia, të cilët merren me agrobiznes, turizëm, përpunim të drurit, teknologji informative dhe shërbime.
Lajme
Ministrja Bajrami, gjatë takimit, i ka njoftuar biznesmenët turqë me kushtet dhe mundësitë e favorshme që i ofron Kosova për investitorët e huaj, thuhet në një njoftim të MTI-së.
Duke vlerësuar faktin se investimet turke në Kosovë po rriten vit pas viti, ministrja po ashtu shprehu përkushtimin e Qeverisë së Kosovës për të përmirësuar edhe më tutje ambientin për investime të huaja në Republikën e Kosovës.
Biznesmenët nga Turqia vlerësuan kushtet e krijuara për investimet e jashtme në Kosovë, duke shprehur gatishmëri për të shtrirë veprimtarinë e tyre biznesore në fusha të ndryshme.
Ky takim është realizuar nga Konsullata e Kosovës në Stamboll në bashkëpunim me Agjencisë për Investime dhe Përkrahjen e Ndërmarrjeve në Kosovë.