Justin Bieber mund ta vuajë burgimin, nëse zyrtarët argjentinas vendosin ta akuzojnë atë për trajtimin e flamurit të këtij vendi si një ‘mbeturinë’ në koncertin e fundit.

Mirëpo, kampi i këngëtarit kanadez i ka thënë TMZ-së se ai nuk e ka pasur ndërmend asnjëherë që ta nënvlerësojë një simbol kombëtar.

Gjatë koncertit në Buenos Aires të shtunën mbrëma, Bieber shihet duke e përdorur mbajtësen e mikrofonit si një mjet pastrues, duke e larguar nga toka flamurin, për ta dërguar tek fansat dhe kjo video ka nxitur zemërim tek argjentinasit.

“Bieber nuk do ta përdhoste kurrë një flamur dhe krejt kjo çështje është një keqkuptim i madh. Fanset e tij ishin duke hedhur fanella dhe bluza në skenë, ndërsa Justin ka menduar se po e hiqte një nga to, për ta liruar skenën. Sa për flamurin, ne themi se ai nuk ishte flamur, por një bluzë me flamurin argjentinas të printuar”, thonë zëdhënësit e këngëtarit.

Përfaqësuesit e Bieber kanë biseduar edhe me diplomatët e ambasadës në Buenos Aires dhe Washington. Njerëzit atje janë të shokuar me atë që ka bërë këngëtari, që e konsiderojnë mungesë respekti për Argjentinën.

Një avokat në Cordoba ka njoftuar se i ka përgatitur disa letra denoncimi kundër Bieberit, për ‘fyerje ndaj flamurit’. ‘Poshtërimi’ i flamurit konsiderohet si krim në Argjentinë dhe dënohet nga 1 deri në 4 vjet burg.