Anderlechti është kampion i ri i Belgjikës. Ekipi që drejtohet nga trajneri kosovar, Besnik hasi, e siguroi epitetin e më të mirit të dielën, pasi e mposhti Lokerenin me rezultat 3:1, në ndeshjen e zhvilluar në kuadër të garave të ‘Play-Offit’.

Ish futbollisti i njohur kosovar e mori në dorë ekipin nga pozita e tretë, me 10 pikë prapa liderit, për t’ia siguruar atij titullin e 33-të në histori.

Golat për ekipin vendës të dielën i shënuan Aleksandar Mitrovic, Chancel Mbemba Mangulu e Deniss Praet, kurse për mysafirët shënoi Hamdi Harbaoui nga penalltia.