Besiktas triumfon edhe në Prizren

Besiktas mposhti Sigal Prishtinën edhe në ndeshjen e dytë miqësore të zhvilluar sonte në Prizren. Gjiganti turk mundi nënkampionin e Kosovës me rezultat 81-74. Në palestrën ‘Sezai Surroi’ u përsërit skenari i ndeshjes së një nate më parë kur prishtinasit ishin në epërsi për periudhën më të gjatë të takimit mirëpo mysafirët sikurse ruajtën energjinë…

Sport

09/09/2013 18:28

Besiktas mposhti Sigal Prishtinën edhe në ndeshjen e dytë miqësore të zhvilluar sonte në Prizren. Gjiganti turk mundi nënkampionin e Kosovës me rezultat 81-74.

Në palestrën ‘Sezai Surroi’ u përsërit skenari i ndeshjes së një nate më parë kur prishtinasit ishin në epërsi për periudhën më të gjatë të takimit mirëpo mysafirët sikurse ruajtën energjinë për çerekun e fundit kur kaluan në avantazh dhe e mbrojtën deri në fund.

Sigal Prishtina i mbylli të tre çerekët në epërsi, por Besiktas triumfoi në fund me rezultat pothuajse të ngjashëm nga dueli i parë në Prishtinë (80-70).

Gjiganti turk erdhi në Kosovë për të zhvilluar dy ndeshje miqësore me Sigal Prishtinën falë trajnerit Ahmet Kandemir, i cili udhëhoqi ekipin kryeqytetas për pjesën e dytë të edicionit të kaluar gjatë së cilit fitoi Kupën e Kosovës.