Kryetari i Lidhjes Demokratike të Kosovës, Isa Mustafa, ka kërkuar besën e qytetarëve të Prizrenit që të votojnë për kandidatin e kësaj partie për Kryetar të Prizrenit, Eqrem Kryeziun.

“Ju të votoni për fitore, që të votoni për vetveten, sepse këtu jemi që të fuqizojmë Prizrenin, pasi Prizreni është i Kosovës”, tha Mustafa.

“Ne këtu nuk kërkojmë votën për Eqrem Kryeziun, jo pse s’duam ta fuqizojmë atë si person, por votën për qytetarin  i cili do të fuqizohet përmes udhëheqjes së Eqremit Kryeziut”.

“Ju garantoj se LDK do të jetë lidhje e besës suaj. Ju ia jepni votën LDK’së dhe ne do të japim besën. Unë besoj shumë se ju me 3 nëntor do të votoni për LDK, do të votoni për qytetarin e Prizrenit, për suksesin e Prizrenit”.

Kandidati i LDK’së për Kryetar të Prizrenit, Eqrem Kryeziu, ka thënë se vota për LDK’në do të tregojë që shpresa e qytetarëve për ndryshime nuk ka qenë e kotë

“Tranzicionit tonë të flamosur i ka ardhur fundi”, ka thënë ai.

“Prizrenasit kur të zgjohen më 4 nëntor, nëse dikë prej jush e ka zënë gjumi, do ta shohin në mëngjes së ëndrra e tyre dhe shpresa e tyre nuk ka qenë e kotë.”