Berisha, në mesin e yjeve të huaj në Itali
Etrit Berisha e pati një debutim fantastik në futbollin italian. Portieri kosovar e fitoi besimin menjëherë dhe mbrojti shpesh për Lazion, duke u futur në ekipin më të mirë të futbollistëve të huaj në Serie A.
Sport
Etrit Berisha me siguri se nuk e ka menduar as në ëndërr se do të bëhej aq i rëndësishëm për Lazion, që në sezonin e parë në Serie A.
Portieri kosovar iu bashkua ekipit italian nga Kalmari, për të qenë portier rezervë i Federico Marchettit, por ai e shfrytëzoi për mrekulli rastin që iu dha dhe shpesh ishte titullar.
Për këtë, uebfaqja ‘tuttomercatoweb.com’ e ka përfshirë portierin prishtinas në ekipin më të mirë të të huajve në Itali, për sezonin që po përfundon të dielën.
Në ekipin e vitit ndër të tjera shohim edhe emra të tjerë të njohur, të cilët shkëlqyen me ekipet përkatëse gjatë sezonit të parë në Serie A.
Ekipi i të huajve në Itali
Formacioni: 4-3-3
Portier: Berisha
Mbrojtës: Maicon, Maksimovic, Albiol, Henrique
Mesfushorë: Strootman, Callejon, Iturbe
Sulmues: Tevez, Gervinho, Higuain