Berisha: Mogherini është rusofile
Ish-kreu i ekzekutivit të Shqipërisë, Sali Berisha, e ka quajtur rusofile Federica Mogherinin, ndërmjetësuesen e Bashkimit Evropian në dialogun Kosovë-Serbi.
Lajme
Ai ka thënë se çështja e ndarjes ka filluar qysh moti në Bruksel së bashku me Mogherinin, e cila shpesh ka marrë kritika për afërsinë me Rusinë.
“Çështja e ndarjes ka filluar para ardhjes së presidentit Trump. Ka filluar në Bruksel më përpara. Unë e lidha këtë me serbofilinë dhe rusofilinë e ndërmjetësueses Mogherini”.
“Ajo e ka marrë atë post duke u kundërshtuar nga një seri e politikanëve të BE-së, duke e quajtur rusofile”, ka deklaruar Berisha si i ftuar në një emision televiziv në Shqipëri.