Benzema me Realin deri më 2019
Karim Benzema ka nënshkruar kontratë të re me Real Madridin deri në vitin 2019, ka njoftuar kampioni i Evropës, nëpërmjet një komunikate të publikuar në faqen zyrtare të klubit.
Sport
Sulmuesi Karim Benzema i ka dhënë fund shpresave të Liverpoolit e Arsenalit për transferimin e tij duke vazhduar kontratën me Real Madridin.
26-vjeçari ka nënshkruar zyrtarisht marrëveshje të re me Los Blancos deri më 2019, ka njoftuar kampioni i Evropës.
Benzema iu bashkua Realit pesë vite më parë dhe ka bilanc pozitiv me 111 gola në 235 ndeshje për gjigantin spanjoll.
Megjithatë, ai vazhdimisht ka qenë nën hijen e Cristiano Ronaldos e Gareth Bale në edicionin e fundit ndërsa klubi spekulohet se mund të sjellë edhe yllin e Monacos, Radamel Falcao, gjatë këtij afati kalimtar të verës.
Por, marrëveshja e re e ish golgeterit të Olympique Lyonit i zvogëlon shpresat për blerjen e Falcaos.