Benitez shumë pranë kalimit te Reali
Rafael Benitez duket se do të jetë trajneri i ri i Real Madridit, pasi një gjë e tillë është shumë afër edhe të zyrtarizohet.
Sport
Skuadra e Napolit ka përgatitur nesër një konferencë për shtyp me Benitezin, i cili pritet të jap dorëheqje nga posti i trajnerit të skuadrës italiane.
Dhe, sipas të gjitha gjasave, në fundin e kësaj jave apo në ditët e para të javës së ardhshme, Benitez pritet të emërohet trajner i ri i Realit.
Benitez do të zërë vendin e Ancelottit i cili u shkarkua dje nga Perez, pasi nuk arriti që të fitojë asnjë trofe me Realin në këtë sezon.