Benitez ‘godet’ Perezin dhe Realin
Rafael Benitez ka deklaruar se ndryshimi i shpeshtë i trajnerëve nga Real Madridi, ka bërë që ata të mos fitojnë shumë trofe viteve të fundit.
Sport
Benitez ka thënë se arsyeja pse Barcelona ka më shumë trofe se Real Madridi viteve të fundit, është stili i tyre i lojës të cilin e kanë krijuar.
Sipas spanjollit ndryshimet e shpeshta të trajnerëve në Real Madrid, kanë bërë që edhe klubi të mos ketë suksese të shumta, pasi secili trajner vije me stilin e tij të lojës, andaj edhe skuadra nuk është konsistente.
“Nuk është e lehtë të stërviteni, kur presidenti flet me lojtarë dhe media çdo ditë. Shikoni se çfarë ka ndodhur edhe me trajnerët tjerë si Camacho, Del Bosque, pelegrini, Mourinho dhe Ancelotti dhe e kuptoni se nuk është e lehtë”, tha ai.
“Barcelona e ka fituar dyfishin e trofeve të Real Madridit, që prej kur Perez është në krye të klubit”, u shpreh Benitez në BT Sports, përcjell Lajmi.net.