Befasohet Turqia

Turqia befasoi për të keq duke u mposhtur nga Finlanda me rezultat 61:55 në ditën e parë të ndeshjeve në Kampionatin evropian në basketboll. Kampionati i 38-të evropian për meshkuj në basketboll, ka sjell rezultate të befasishme qysh në ditën e parë të ndeshjeve. Finlanda e mposhti nënkampionin e botës Turqinë me rezultat 61:55 në…

Sport

05/09/2013 12:05

Turqia befasoi për të keq duke u mposhtur nga Finlanda me rezultat 61:55 në ditën e parë të ndeshjeve në Kampionatin evropian në basketboll.

Kampionati i 38-të evropian për meshkuj në basketboll, ka sjell rezultate të befasishme qysh në ditën e parë të ndeshjeve.

Finlanda e mposhti nënkampionin e botës Turqinë me rezultat 61:55 në kuadër të Grupit D.

Izraeli pas vazhdimeve prej pesë minutave ka pësuar humbje nga Britania e Madhe me rezultat 71:75. Gjeorgjia, e udhëhequr nga Igor Kokoshkov, ka shënuar fitore bindëse kundër Polonisë me rezultat 84:67.

Kurse Bosnja-Hercegovina ka pësuar humbje me rezultat 86:75 kundër Letonisë. Franca u mposht nga rivali i përbetuar Gjermania.

Gjermanët triumfuan me rezultat 80:74 në kuadër të derbit të grupit A. Ndërkaq, Italia ka shënuar fitore ndaj rivalit kryesor të grupit D. Italianët kanë triumfuar kundër kombëtares së Rusisë me rezultat 76:69.

Fitore të ngushtë ka shënuar Sllovenia, e cila ka mposht me rezultat dy pikë avantazh, përkatësisht 62:60 Republika Çeke.

Ndërsa fqinji ynë verior, Serbia ka realizuar fitore ndaj dikur kampionit evropian, Lituanisë. Serbët kanë mposht lituanezët me rezultat 63:56. Mali i Zi ka shënuar fitore në sekondat e fundit në derbin ballkanik kundër Maqedonisë.

Ka qenë basketbollisti i natyralizuar amerikan, Tyrese Rice, i cili shënoi dy gjuajtje të lira dhjetë sekonda para përfundimit të ndeshjes dhe i solli fitoren malazezëve me rezultat 81:80.

Në anën tjetër, Spanja ka shkelur Kroacinë me rezultat 68:40. Greqia gjithashtu ka turpëruar Suedinë pas triumfit bindës, 79:51. Fitore të ngushtë ka shënuar Ukraina, e cila mposhti Belgjikën me rezultat 58:57.

Rezultatet:

Grupi A

Izraeli-Britania e Madhe 71:75

Belgjika-Ukraina 57:58

Franca-Gjermania 74:80

Grupi B

Letonia-Bosnja 86:75

Maqedonia-Mali i Zi 80:81

Serbia-Lituania 63:56

Grupi C

Gjeorgjia-Polonia 84:6

Spanja-Kroacia 68:4

Re.çeke-Sllovenia 60:62

Grupi D

Turqia-Finlanda 55:61

Suedia-Greqia 51:79

Rusia-Italia 69:76