Bebe Rexha dhe Rita Ora bëjnë shqiponjën në “VMA”
U mbajt ceremonia e ndarjes së çmimeve “MTV VMA 2018”.
ShowBiz
Në mesin e emrave më të mëdhenj të industrisë së muzikës ishin edhe dy shqiptaret, Rita Ora dhe Bebe Rexha, shkruan lajmi.net.
Me të arritur në vendin ku u mbajt eventi, Bebe dhe Rita pozuan pranë fotografëve të medieve më prestigjioze në botë.
Bebe Rexha në një moment thotë “Jemi shqiptaret e para në Video Music Awards”.
Ndërsa, pas kësaj që të dyja bëjnë simbolin e shqiponjës mes brohoritjeve të të pranishmëve afër tyre.
Kujtojmë që ishte paraparë që e pranishme në këtë ngjarje të jetë edhe Dua Lipa, por këngëtarja ka nisur pushimet në Ibiza të Spanjës me rastin e festimit të ditëlindjes. /Lajmi.net/