Bashkimi Evropian (BE) ka bërë thirrje për dërgimin urgjent të ndihmave humanitare për Jemenin, duke vënë në dukje se kriza humanitare në këtë vend është rritur për shkak se forcat e koalicionit nën udhëheqjen e Arabisë Saudite kanë mbajtur të gjitha pikat kufitare në Jemen të mbyllura për dy javë, transmeton Anadolu Agency (AA).

Përfaqësuesja e BE-së për Punë të Jashtme dhe Politikat e Sigurisë, Federica Mogherini, në një deklaratë në lidhje me çështjen ka theksuar se ndihmat humanitare dhe produktet tregtare nuk mund të dorëzohen në zonat ku jetojnë në mënyrë intensive banorët e Jemenit.