Nënkryetari i Partisë Demokratike të Kosovës, Rexhep Hoti ka thënë se Kosova duhet të jetë partner serioz dhe duhet të tregoj lojalitet ndaj Bashkimit Evropian.

“Jemi shtet i ri dhe nuk kemi kredenciale të kushtëzojmë Brukselin. Faji për vizat nuk është te BE-ja por në Kosovë…Ka politikanë në Kosovë që nga viti 2010 kanë hapur shampanjë se gjoja u liberalizuan vizat”.

Nënkryetari i PDK-së ka thënë se taksa ndaj Serbisë ka ardhur në kohën kur kjo e fundit po sillet me arrogancë ndaj Kosovë.

“Nuk është vendim i Qeverisë, por nga shoqëria, mediat…Serbia i ka humbur të gjitha lojërat me Kosovën”, tha Hoti në RTV Dukagjini.

Koordinatori Nacional për Kulturë, Rini dhe Sport në Qeverinë e Republikës së Kosovës, thotë se për shkak të kaluarës politika e Kosovës është në avantazh ndaj asaj serbe.

“Politika e Kosovës është në pozitë shumë më të favorshme në raport me atë serbe, për shkak të kaluarës së afërt”.

Hoti thotë se Brukseli nuk e ka detyruar Kosovën të ulet në tryezën e dialogut me Serbinë.

“Dialogu i ka krijuar Kosovës mundësit e veta pas shpalljes së Pavarësisë. Republika e Kosovës ka interesa jetike të ketë raporte të mira me një shtet fqinj”.

“Brukseli ka interesa që Ballkani perëndimor të ketë stabilitet, por ata nuk i shohin gjërat siç i shohim ne”, tha më tej Rexhep Hoti.