BE-ja është duke përgatitur një plan që do të bëjë ‘pushimin’ e gjigandit kërkimor në internet, në mënyrë të veçantë do ta ‘ndajë’ atë nga motorët e tjerë të kërkimit në internet.

Vetëm pesë muaj më parë Google filloi t’i heqë lidhjet e dyshimta në faqe, në përgjigje të rregullave të reja të Evropës. Kompania është kritikuar vazhdimisht, si për dominimin e saj komercial gjithashtu edhe në lidhje me jetën private të njerëzve, transmeton Lajmi.net.

Siç vëren Financial Times, Parlamenti Evropian nuk e ka ende autoritetin për ta pushuar së punuari në Evropë një kompani si Google, por e ka aftësinë për të vendosur ligje të reja, të cilat mund të ndikojnë në gjigandin e kërkimit.

Kur u pyet nga Financial Times pse një masë drastike si kjo e ‘pushimit të Google në Evropë’ ishte e nevojshme, Ramon Tremosa, një anëtar spanjoll i parlamentit të BE-së që e hartoi mocionin, tha se komisioni nuk mundi të kërkonte për sekretet algoritmike të Google, dhe kështu kërkoi mjete të tjera për ta ndaluar pushtetin e saj.