Bayerni do të bëhet monoton si Barcelona
Legjenda e Bayern Munichut, Franz Beckenbauer ka kritikuar traktikën e trajnerit Pep Guardiola, duke thënë se ekipi do të bëhet “monoton si Barcelona”. Gjiganti bavarez mbetet i pamposhtur në Bundesligë nën drejtimin e Guardiolës dhe është kualifikuar në çerekfinale të Ligës së Kampionëve si dhe gjysmëfinale të Kupës së Gjermanisë. Mirëpo, ish reprezentuesi i Gjermanisë…
Sport
Legjenda e Bayern Munichut, Franz Beckenbauer ka kritikuar traktikën e trajnerit Pep Guardiola, duke thënë se ekipi do të bëhet “monoton si Barcelona”.
Gjiganti bavarez mbetet i pamposhtur në Bundesligë nën drejtimin e Guardiolës dhe është kualifikuar në çerekfinale të Ligës së Kampionëve si dhe gjysmëfinale të Kupës së Gjermanisë.
Mirëpo, ish reprezentuesi i Gjermanisë perëndimore beson se stili i lojës së tyre ka shkuar prapa, nën drejtimin e Guardiolës.
“Në fund, ne do të jemi monoton si Barcelona. Do ta pasojmë topin prapa deri tek vija e portës”, deklaroi Beckenbauer për Sky.
“Mendimi im është ndryshe. Nëse kam një mundësi për të goditur nga distanca, sidomos në praninë e një mbrojtje të ngjeshur, e shfrytëzoj. Është mënyra më efikase”.
Bayern Munich është favorit për t’u bërë skuadra e parë që mbron titullin e Ligës së Kampionëve, pas kualifikimit në çerekfinale, duke rrëzuar Arsenalin.